Un dia mi madre de b”m me tomo i mos huimos a vijitar ande la vizina la mas vieja ke morava en la pansyon. Le aprometi a mi madre de tomar el tefteriko i el Alfabet i kopiar unas kuantas ojas kon muncho dikkat (atansion). En fin mos huimos ande la vizina. Yo estava okupado kon mi lisyon, ma kon una oreja estava sintiendo lo ke estavan avlando. La vizina mos ofrio likum turko. Kuando le trusho el kafe turko, mi mama le demando "A Madam Ayui no la vide oy." Mme. Ayui era la patrona de la...