Selebrando Hanuka kon la SFPBC

Alhad la tadre, 21 de Disiembre de 2025, la Federasion Sefardi del Kondado de Palm Beach en Forida (SFPBC), selebro los dos ultimas dias de Hanuka i metio en lugar la mueva djunta direktiva en muestro komida anual de Hanuka, en un restorante Grego lokal.

Rose Papo Allen, presidenta de la SFPBC, fue la maestra de seremonias del evento, al ke asistieron mas de 40 miembros i envitados.

Las grandes kandelas se metieron en una ermozo Hanukiya de bronzo, a la vista de todos ke partisiparon en la selebrasyon.  Las orasiones se resitaron todos endjuntos, dirijidos por el Haham Nissim Elnecave del Templo Moses en Miami Beach, kon la traduksyon a ladino de Yehuda Hatzvi, z"l', ke se meldo por Jake Kohenak.

Avokato Marvin Pilo, Esq., ke retiro de la komite (ijo de uno de los fundadores de la Hermandad, Marius Pilo, z"l'), djuro a los direktores ke estan tornando a la komite, i tambien a los muevo direktores.

Un grupo de Ladino avlantes meldo un kuento umoristiko de Hanuka sovre Djoha (kon traduksyon al Ingles), eskrito espesialmente para este okasion por el vise-presidente de la SFPBC, Bob Altabet.

Tuvimos un musafir ke mos avlo sovre su lavoro: El profesor Aviad Moreno, PhD, de la Universidad Ben Gurion en Tel Aviv.  El Prof. Moreno , ke agora esta en “sabbatical” en el Universidad de Florida en Gainesville, aziendo investigasiones para un livro ke va eskrivir sovre los Sefardies en el sud de Florida. El profesor Moreno va azer enkontros kon algunos de muestros miembros en las proksimas semanas para su livro.

Tuvimos kantador internasyonal nasido en Fransia, de erensia Marokenyo, Thierry Khalfa. Kanto kansiones tradisionales de Hanuka, i otras kantigas en Ebreo, Franses, i en Ingles, para  la audiensia multilingual.

La delisioso komida, servido al estilo “de famiya” (family style), inkluyo mezes komo hummus, taramosalata, tzatziki (djajik), yaprakes, i anchusa de spinaka kon kezo.  Por la komida prinsipal komimos gayna i salmon asado, kon fasulya i patatas al limon, al estilo Grego.  Se servio baklava komo dulse para eskapar la ermozo tadre.

Para obtener mas informasyon sovre muestro aktividades en el muevo anyo, puedesh vijitar muestro sitio en el web: sephardifederationpbc.org